سرینگر مونسپل کارپوریشن نے رشوت خوری کے الزام میں پانچ افسران کو معطل کردیا ہے اور ان کے متعلق انکوائری کے احکامات جاری کئے ہیں۔ ایس ایم سی کے کمشنر اطہر عامر خان SMC Commissioner Athar Amir Khan نے تین وارڈ افسران اور دو بلڈنگ انسپکٹرز کو معطل کرنے کے احکامات صادر کئے۔ ان افسران میں وارڈ افسر محمد مقبول بٹ، نکہت آرا، شیخ الیاس، بلڈنگ افسر حفیظ اللہ پرے اور نثار احمد شامل ہیں۔ محمد مقبول بٹ کو گزشتہ روز انٹی کوپرشن بیریو نے رشوت لیتے ہوئے رنگے یاتھوں گرفتار کیا تھا۔SMC Suspends Five Officials
یہ بھی پڑھیں: SMC Commissioner Athar Aamir Interview: اسمارٹ سٹی کے تحت پروجیکٹس کو جلد مکمل کیا جارہا ہے
ان افسران پر الزام ہے کہ انہوں شہر میں متعلقہ مونسپل واڈز میں رشوت کے عوض شہریوں کو غیر قانونی تعمیرات کی اجازت دی ہے۔ ایس ایم سی کمشنر نے ایس ایم سی کے جوائنٹ کمشنر سید عبدقاسم اور انجینئر میر عبدالخالق کو معطل شدہ افسران کے متعلق انکوائری کرنے کا حکم صادر کیا ہے۔ قابل ذکر ہے کہ سرینگر مونسپل کارپوریشن کے بیشتر ملازمین پر شہریوں کا الزام ہے کہ وہ رشوت کے بغیر کوئی بھی کام انجام نہیں دے رہے ہیں۔ اس سے قبل بھی ایس ایم سی کے چند وارڈ افسران کو معطل کیا گیا تھا۔SMC Suspends Five Officials
