سرینگر: صوبائی کمشنر کشمیر وجے کمار بدھوری کا کہنا ہے کہ سرینگر اسمارٹ سٹی میں سو اسمارٹ گاڑیاں مرحلہ وار طریقے سے چالو کرنے کا سلسلہ اسی ماہ سے شروع ہوگا۔ انہوں نے کہا کہ ان گاڑیوں سے عام لوگوں کو کافی فائدہ ہوگا۔ موصوف صوبائی کمشنر نے ان باتوں کا اظہار ہفتے کے روز سرینگر میں نامہ نگاروں کے ساتھ بات کرنے کے دوران کیا۔
انہوں نے کہا کہ اسمارٹ سٹی میں 100 اسمارٹ گاڑیاں چالو کی جائیں گی جن میں سے ایک سرخ رنگ کی گاڑی کی ٹرائل چل رہی ہے۔ یہ گاڑیاں مرحلہ وار طریقے سے شروع کی جائیں گی اور ہر مہینے تیس تیس گاڑیوں کا اضافہ کیا جائے گا۔' بدھوری نے کہا کہ 31 اگست سے اس سروس کو وسیع پیمانے پر شروع کیا جائے گا۔ انہوں نے کہا کہ اس سہولیت سے عام لوگوں کو کافی فائدہ پہنچے گا۔
مزید پڑھیں: E-Buses in Srinagar سرینگر میں ابتدائی طور پر 20 ای بسیں متعارف کی جارہی ہے
ان کا کہنا تھا کہ ان بسوں کی وساطت سے لوگ رات دیر گئے تک کسی بھی دقت کے بغیر سفر کر سکیں گے۔انہوں نے کہا کہ ان گاڑیوں کے لئے نئے بس اسٹینڈ بھی بنائے گئے ہیں۔
(یو این آئی)
