سرینگر: جموں و کشمیر کے ضلع سرینگر کے بوٹینیکل گارڈن میں جمعرات کی شام آسمانی بجلی گرنے سے کم از کم پانچ افراد زخمی ہو گئے۔ ایک سینئر پولیس آفیسر نے ای ٹی وی بھارت کو بتایا کہ بوٹینکل گارڈن سری نگر میں بادل پھٹنے سے گجرات کے دو سیاحوں سمیت پانچ افراد زخمی ہوئے ہیں جنہیں علاج ومعالجہ کی خاطر نزدیکی ہسپتال منتقل کیا گیا۔ lightning strikes Botanical Garden
سرکاری ذرائع نے بتایا کہ جمعرات کی سہ پہرکو موسلا دھار بارشوں کے نتیجے میں بوٹینکل گارڈن کی سیر و تفریح پر آئے ہوئے سیاح بارش سے بچنے کی خاطر دیودار درخت کے نیچے بیٹھ گئے۔ انہوں نے بتایا کہ چند منٹوں کے اندرا ندر ہی دیودار درخت پر آسمانی بجلی گری جس کی وجہ سے پانچ افراد جن میں گجرات کے دو سیاح بھی شامل ہیں، جھلس کر زخمی ہوگئے ۔
اُن کے مطابق جموں وکشمیر پولیس اور باغ میں موجود دوسرے سیاحوں نے زخمیوں کو علاج و معالجہ کی خاطر نزدیکی ہسپتال منتقل کیا۔ دو سیاحوں کی شناخت 30 سالہ ندی راوت اور سمیر ساکنان گجرات کے طور پر ہوئی ہے جب کہ باقی تین کی شناخت تاحال نہیں ہو سکی ہے۔ اسپتال ذرائع کے مطابق زخمیوں کی حالت مستحکم ہے۔ واضح رہے کہ امثال اپریل مہینے کی 6 تاریخ کو اسی باغ کے باہر ایک سلنڈر بلاسٹ میں ایک ٹیمپو ڈرائیور زخمی ہوگیا تھا۔ Non-locals among five injured
یہ بھی پڑھیں :
Lightning kills More Than 250 Sheep: کوکرناگ میں آسمانی بجلی گرنے سے 250 سے زائد بھیڑ ہلاک
