سری نگر: وادیٔ کشمیر میں خراب موسمی صورتحال کے بیچ سیاحتی مقامات گلمرگ اور پہلگام میں شبانہ درجۂ حرارت نقطۂ انجماد سے نیچے درج ہوا ہے۔ محکمۂ موسمیات کے ایک ترجمان کے مطابق گلمرگ میں کم سے کم درجۂ حرارت منفی3.5 ڈگری سینٹی گریڈ ریکارڈ کیا گیا جو معمول سے2.7 ڈگری سینٹی گریڈ کم ریکارڈ ہوا تھا جبکہ پہلگام میں کم سے کم درجۂ حرارت منفی1.8 ڈگری سینٹی گریڈ ریکارڈ کیا گیا جو معمول سے3.5 ڈگری سینٹی گریڈ کم ریکارڈ ہوا تھا۔ وادی کے دیگر مقامات پر بھی شبانہ درجۂ حرارت معمول سے نیچے ہی ریکارڈ ہوا ہے۔ گرمائی دارلحکومت سری نگر میں کم سے کم درجۂ حرارت 2.7 ڈگری سینٹی گریڈ ریکارڈ کیا گیا جو معمول سے3.7 ڈگری سینٹی گریڈ کم ریکارڈ ہوا تھا۔
سرحدی ضلع کپوارہ میں کم سے کم درجۂ حرارت 1.2 ڈگری سینٹی گریڈ ریکارڈ کیا گیا جو معمول سے 4.0 ڈگری سینٹی گریڈ کم ریکارڈ ہوا تھا۔ گیٹ وے آف کشمیر کے نام سے مشہور قصبہ قاضی گنڈ میں کم سے کم درجۂ حرارت 3.6 ڈگری سینٹی گریڈ ریکارڈ کیا گیا جو معمول سے 1.5 ڈگری سینٹی گریڈ کم ریکارڈ ہوا تھا۔ دریں اثنا محکمۂ موسمیات کے مطابق وادی میں اگلے چوبیس گھنٹوں کے دوران گرچ چمک کے ساتھ بارشوں کا امکان ہے۔ انہوں نے کہا تاہم بعد ازاں وادی میں کئی دنوں تک موسم خشک رہنے کی توقع ہے۔ ادھر سری نگر میں گذشتہ چوبیس گھنٹوں کے دوران 2.9 ملی میٹر بارش ریکارڈ ہوئی ہے جبکہ قاضی گنڈ میں 8.8 ملی میٹر، پہلگام میں 10.8 ملی میٹر، گلمرگ میں 7.8 ملی میٹر اور کپوارہ میں 2.8 ملی میٹر بارش ریکارڈ ہوئی ہے۔
یہ بھی پڑھیں: Kashmir Weather Update کشمیر میں موسلادھار بارشیں، چھ اپریل تک رک رک کر بارشوں کا سلسلہ جاری رہنے کا امکان
یو این آئی
