سرینگر کے ڈلگیٹ علاقے سے تعلق رکھنے والے ماں اور اسکے فرزند کی عالمی وبا کورونا وائرس کے سبب موت واقع ہو گئی۔
محکمہ صحت کے ایک آفیسر نے بتایا کہ سرینگر کے ایس ایم ایچ اسپتال میں ڈلگیٹ کی رہنے والی 70سالہ خاتون اور اسکا 33سالہ بیٹا عالمی وبا کے سبب فوت ہو گئے۔
انہوں نے مزید بتایا کہ فوت ہونے والی خاتون رواں ماہ کی دوسری تاریخ کو اسپتال میں داخل کی گئی تھی اور پیر کی دوپہر انتقال کر گئیں۔
مزید پڑھیں: کورونا متاثرین میں کمی، 632 نئے کیسز
انہوں نے مزید کہا کہ انکے 33سالہ فرزند کو3اکتوبر کو اسپتال میں داخل کرایا گیا اور منگل کی صبح انہوں نے آخری سانس لی۔
قابل ذکر ہے کہ جموں و کشمیر میں کورونا متاثرین کی مجموعی تعداد 80ہزار کے قریب پہنچ چکی ہے۔ اس کے علاوہ اب تک اس وبائی مرض سے 1200سے زائد افراد کی موت ہو چکی ہے۔
