پرائمری سطح تک 60فیصد لڑکیاں ہی تعلیم حاصل کر پاتی ہیں اور مڈل سطح تک 40فیصد لڑکیاں ہی تعلیم حاصل کرنے کے بعد میں تعلیم کو خیرباد کہتی ہیں جبکہ ہائر سیکنڈری تک30فیصد لڑکیاں ہی پہنچ پاتی ہیں
وہیں اس کے برعکس ہائر سینکڈری تک پہنچنے والے لڑکوں کی شرح 78فیصدی ہے جبکہ 70فیصد لڑکے ایسے ہیں جو بارہویں کے بعد اپنی تعلیم حاصل کرتے ہیں اور آگے چل کر گریجویشن کے بعد 30فیصد لڑکے مختلف یونیورسٹیوں میں داخلہ حاصل کر کے مزید تعلیم جاری رکھتے ہیں اور لڑکیوں میں یہ شرح 5 فیصد ہی ہوتی ہے۔
خواتین کے حقوق اور بہبود پر کام کرنے والی رضا کار خواتین کا کہنا ہے کہ وادی کشمیر میں لڑکیوں کی تعلیم کے بارے میں آج بھی لوگ عدم دلچسپی کا مظاہرہ کرتے ہیں اور اکثر لوگوں کی سوچ یہ ہے کہ لڑکیوں کو اتنی ہی تعلیم دینی چاہیے جتنی انہیں سسرال میں کام آئی گئی ۔
ان کا کہنا ہے کہ اس کے علاوہ متواسط اور غریب طبقے سے وابستہ لڑکیوں کو مالی دشواریوں کی وجہ سے بھی تعلیم ادھوری چھوڑنی پڑتی ہے۔
اعلی تعلیم یافتہ اور اچھے عہدوں پر فائز خواتین کا کہنا ہے کہ وادی کشمیر میں خواتین کی خواندگی میں کم شرح افسوس کی بات ہے ۔ ان کا ماننا ہے کہ ایک مرد کی تعلیم ایک فرد ہی تعلیم ہے اور ایک عورت کی تعلیم ایک خاندان کی تعلیم ہے۔ تاہم انہوں نے کہا کہ وادی کشمیر میں خواتین کی شرح خواندگی کو بڑھانے کے لیے کافی وقت لگ سکتا ہے ۔
خواتین میں خواندگی کی شرح بڑھانے کے لیے سماج کے متواسط اور غریب طبقوں میں لڑکیوں کی تعلیمی اہمیت کو اجاگر کرنے کی وقت کی اہم ضرورت ہے۔
وہیں والدین کو بھی کھلے دل ودماغ سے کام لے کر اپنی بیٹیوں کو تعلیم کے نور سے منور کروانے کے لئے اپنا بھر تعاون پیش پیش رکھنا چائیے ۔تبھی جا کے خواتین کی شرح خواندگی کی تفاوت کو کسی حد دور کیا جاسکتا ہے۔
