مرکزی سرکار نے جموں و کشمیر پولیس سروس کے 12 سینئر پولیس افسران کو انڈین پولیس سروس ( آئی پی ایس) کا درجہ دئے جانے کو منظوری دی ہے۔
وزارت داخلہ کے مطابق ان افسران کو اگمٹ کاڈر میں آئی پی ایس گریڈ (IPS Grade) میں تقرری کی گئی ہے۔
وزارت داخلہ کی جانب سے اس ضمن میں پیر کو ایک حکمنامہ جاری کیا گیا ہے جس میں ان 12سینئر پولیس افسران کی فہرست شامل ہے جو اس وقت سروس میں ہیں۔
- مزید پڑھیں: اتر پردیش ’نیا جموں و کشمیر‘ ہے: عمر عبداللہ
وزارت داخلہ کا کہنا ہے کہ صدر جمہوریہ ہند نے ان افسران کو آئی پی ایس میں تقرری کو منظوری دی ہے۔
ان افسران میں شکتی کمار پھاٹک، ڈاکٹر حسیب مغل، جاوید احمد کول، شیخ جنید محمود، شاہد معراج راتھر، ڈاکٹر اجیت کمار سنگھ، الطاف احمد خان، حسیب الرحمان، عکاس گپتا، عبدالقیوم، نیشہ نتھیال اور جاوید اقبال متو شامل ہیں۔
