گیارہویں جماعت کےتمام طلباء کو پروموشن دینے کا بورڈ کا فیصلہ

نوٹیفیکشن میں کہا گیا ہے کہ طلباء کا تعلیمی سال بچانے اور کورونا کی موجودہ صورتحال کے بیچ گیارہویں جماعت کو گزشتہ برس کے نتائج کے بنیاد پر پروموشن دے کر بارہویں جماعت میں ترقی دی جارہی ہے۔

جموں وکشمیر بورڈ آف اسکول ایجوکیشن نے بدھ کے روز گیارہویں جماعت کے تمام پرائیوٹ اور ر یگولر طلباء کو پروموشن دے کر اگلی جماعت یعنی بارہویں میں ترقی دینا کا فیصلہ کیا ہے۔

جاری کردہ نوٹیفیکیشن کے مطابق یہ فیصلہ کشمیر اور جموں ڈیثرن کے سرمائی زونز میں لیے جانے والے سالانہ امتحانات میں کم وقت رہنے کی وجہ سے لیا گیا یے۔

نوٹیفیکشن میں کہا گیاہے کہ طلباء کا تعلیمی سال بچانے اور کرونا کی موجودہ صورتحال کے بیچ گیارہویں جماعت کو گزشتہ برس کے نتائج کے بنیاد پر پروموشن دے کر بارہویں جماعت میں ترقی دی جارہی ہے۔وہیں جن طلباء نے مضمون کی تبدیلی یا اضافی مضمون سے متعلق درخواست دی ہے انہیں بھی مزکورہ مضامین میں پاس تصور کیا جائے گا۔

ادھر جموں اور کشمیر کے سرمائی زونز میں بارہویں جماعت کے طلباء کے لیے سالانہ امتحانات باقاعدہ طور منعقد کئے جارہے ہیں ۔تاہم امتحان میں ان ہی طلباء کو شرکت کی اجازت ہوگی جن کے تعلیمی سال 2020_21 میں 66 فیصد آن لائن یا آف لائن کلاسز میں حاضری ہو۔