عمر عبداللہ نے اپنے والد فاروق عبد اللہ کے ہمراہ ٹیسٹ ڈرائیو کی چند تصاویر سوشل میڈیا پر پوسٹ کی اور کہا: 'نئے مہندرا 'تھار' میں اپنے والد کو سیر کرایا۔ کتنی عمدہ گاڑی ہے! مختصر ڈرائیو کرنے پر بہت مزا آیا۔ جب برف گرے اور پہاڑیوں کی سیر کرنے میں زیادہ وقت تک انتظار نہیں کرسکتا'
مہندرا گروپ کے چیئرمین نے عمر عبداللہ کے ٹویٹ کا جواب دیتے ہوئے کہا کہ 'آپ کی یہ ستائش ہمارے لیے خوش کن ہے۔ میں جانتا ہوں کہ جن گاڑیوں کو آپ چلانے کے خواہش مند ہوتے ہیں، انہیں آپ خرید بھی لیتے ہیں'۔
عمر عبداللہ نے آنند مہندرا سے فون نمبر مانگا تاکہ فاروق عبداللہ نئی گاڑی کے بارے میں اپنے خیالات کا اظہار کرسکیں۔
عمر عبداللہ نے ٹویٹ میں آنند مہندرا سے کہا کہ 'آپ اپنا موبائل نمبر دے سکتے ہیں جس پر والد صاحب آپ سے بات کر سکیں۔ وہ آپ کو بتانا چاہتے ہیں کہ تھار کے بارے میں ان کے کیا خیالات ہیں'۔
واضح رہے کہ گاندھی جینتی کے موقع پر مہندرا تھار لانچ کی گئی جس کی قیمت 9.80 لاکھ اور 13.75 لاکھ ہے۔
