سرینگر: کشمیر زون پولیس کے انسپکٹر جنرل وجے کمار کا کہنا ہے کہ رواں برس اب تک 118 عسکریت پسند مارے گئے جن میں 33 غیر ملکی ہیں۔ انہوں نے کہا کہ گزشتہ برس اس مدت کے دوران 52 ملکی عسکریت مارے گئے تھے۔ آئی جی پی نے کپوارہ، پلوامہ اور کولگام اضلاع کی تصادم آرائیوں کے بارے میں کہا کہ کپوارہ اور پلوامہ میں آپریشن ختم ہوچکا ہے جبکہ ضلع کولگام میں آپریشن ہنوز جاری ہے۔ Militants killed in 2022
انہوں نے کہا کہ گزشرہ برس کے پہلے پانچ ماہ انیس دنوں کے دوران 52 عسکریت پسند مارے گئے تھے۔ غیر ملکی عسکریت پسندوں کی تعداد جس قدر کم ہوگی اتنی ہی مقامی عسکریت پسندوں کی تعداد میں بھی کمی واقع ہوگی۔ کپوارہ پولیس نے شوکت احمد شیخ نامی ایک مقامی عسکریت پسند جس کا تعلق شوپیاں سے ہے، کو گرفتار کیا جس نے تفتیش کے دوران انکشاف کیا کہ لولاب ویلی میں تین پاکستانی عسکریت پسند چھپے ہوئے ہیں‘۔ آئی جی نے کہا کہ آپریشن کے دوران تینوں پاکستانی عسکریت پسند کو مارا گیا اور اس دوران شوکت احمد بھی مارا گیا۔ انہوں نے کہا کہ کولگام میں دو عسکریت پسند مارے گئے جبکہ وہاں آپریشن ابھی بھی جاری ہے۔
یہ بھی پڑھیں : Four Militants Killed in Twin Gunfight: جموں وکشمیر میں دو مسلح تصادم، چار عسکریت پسند ہلاک
