Encounter in Shopian: شوپیان انکاؤنٹر ختم، عسکریت پسند فرار ہونے میں کامیاب

ضلع شوپیاں کے ریبن علاقے میں سکیورٹی فورسز اور عسکریت پسندوں کے مابین انکاؤنٹر ختم ہو گیا ہے۔ علاقے میں دو سے تین عسکریت پسند چھپے ہوئے تھے جو اندھیرے کا فائدہ اٹھاکر فرار ہو گئے۔ Encounter Reban area of Shopian

شوپیان: جنوبی کشمیر کے شوپیان ضلع میں سکیورٹی فورسز اور عسکریت پسندوں کے مابین گزشتہ رات دیر گئے انکاؤنٹر شروع ہوا تھا تاہم عسکریت پسند اندھیرے کا فائدہ اٹھا کر فرار ہو گئے۔ زرائع کے مطابق 1st فوج کی راشٹریہ رائفلز، سی آر پی ایف اور جموں و کشمیر پولیس نے ضلع شوپیان کے ریبن چتراگام علاقے میں عسکریت پسندوں کی موجودگی کی اطلاع موصول ہونے کے بعد محاصرے میں لیکر گھر گھر تلاشی آپریشن شروع کیا تھا۔ Encounter Reban area of Shopian

اس دوران ایک رہائشی مکان میں تلاشی آپریشن کے دوران عسکریت پسندوں نے فورسز اہلکاروں پر فائرنگ کی جس کے ساتھ ہی انکاؤنٹر شروع ہوا۔ پولیس اپنے ایک ٹئوٹ میں انکاؤنٹر کی تصدیق کرتے ہوئے بتایا کہ ضلع شوپیاں کے ریبن علاقے میں فورسز اہلکاروں اور عسکریت پسندوں کے مابین انکاؤنٹر شروع ہوا۔

مقامی لوگوں نے بتایا کہ 'انکاؤنٹر شروع ہونے کے پہلے مرحلے میں ہی گولیوں کا زبردست تبادلہ ہوا جو کچھ دیر تک جاری رہنے کے بعد رک گیا۔ تاہم بعد میں خاموشی چھائی رہی اور فورسز اہلکاروں رات بھر تلاشی آپریشن کو جاری رکھا اور صبح فورسز اہلکاروں کو تلاشی آپریشن کو ختم کرنا پڑا۔

واضح رہے کہ 11 جولائی کو ضلع پلوامہ کے اونتی پورہ کے وندک پورہ گاؤں میں انکاؤنٹر ہوا جس میں دو عسکریت پسندوں کو سکیورٹی فورسز نے ہلاک کر دیا۔ پولیس کے مطابق اس جھڑپ میں جیش محمد نام کی عسکریت پسند تنظیم کے سرکردہ کمانڈر قیصر کوکا بھی ہلاک ہوا جو کہ سنہ 2018 سے سرگرم تھا، ہلاک ہوئے عسکریت پسندوں کے قبضے سے ایک یو ایس اے میڈ رائفل، ایک پستول اور دیگر اسلحہ برآمد کیا گیا۔ Two Militant Killed in Awantipora Encounter