رام بن: پہاڑی ضلع رام بن کے گاندھری بھٹنی علاقے کو ضلع صدر مقام سے جوڑی والی سڑک گزشتہ ماہ لینڈ سلائیڈنگ کے دوران ڈہہ گئی تھی۔ قریب تین ہفتے گزرنے کے بعد سڑک کو بحال نہ کرنے کے خلاف گاندھری بھٹنی علاقے کے درجنوں لوگوں نے ضلع انتظامیہ کے خلاف احتجاجی مظاہرہ کرتے ہوئے لنک روڈ کو فوری طور بحال کرنے کی مانگ کی۔Link Road in Ramban Closed Due to Landslide not restored
احتجاج میں شامل مرد و زن، پیر و جواں نے ضلع انتظامیہ کے خلاف نعرے بازی کرتے ہوئے ’’پسماندہ علاقے کو جان بوجھ کر نظر انداز‘‘ کرنے کا الزام عائد کیا۔ احتجاجیوں کے مطابق کئی دنوں سے سڑک دھنسنے کے سبب طلبہ کو اسکول، ملازمین کو دفاتر اور عام لوگوں کو روز مرہ کے کام کاج میں سخت مشکلات پیش آتی ہیں۔ Gandhri Bhatti Residents staged Protest
انہوں نے مزید کہا کہ سڑک ڈہہ جانے کے سبب لوگوں کو جان ہتھیلی پر رکھ کر پُر خطر اور پہاڑی راستہ اختیار کرنا پڑتا ہے جس سے جانی خطرہ لاحق رہتا ہے۔ احتجاجی مظاہرین نے انتباہ کرتے ہوئے کہا کہ اگر فوری طور سڑک کی مرمت کے حوالہ سے کام شروع نہ کیا گیا تو وہ سرینگر جموں شاہراہ پر احتجاج کرنے پر مجبور ہو جائیں گے۔ Gandhri Bhatti link road Closed Due to Landslide
ادھر، احتجاج کی اطلاع موصول ہونے کے بعد ایڈیشنل ڈپٹی کمشنر رام بن، ہربنس لعل شرما، موقع پر پہنچے اور انہوں نے عوام کو یقین دہانی کرائی کہ وہ جلد سڑک کو دوبارہ بحال کرنے کے حوالہ سے اقدامات اٹھائیں گے۔ اور اگلی بار جب وہ علاقے میں آئیں گے تو گاڑی میں سوار ہوکر آئیں گے۔ اے ڈی سی کی یقینی دہانی کے بعد مظاہرین نے احتجاج ختم کیا۔Gandhri Bhatti link road not restored yet
