جموں - راجوری شاہراہ پر ہفتے کی صبح ٹریفک کی آمد و رفت اس وقت معطل کر دی گئی جب سیکورٹی فورسز نے شاہراہ پر ایک دھماکہ خیز مواد (آئی ای ڈی) بر آمد کیا۔
جموں - راجوری شاہراہ پر آئی ای ڈی بر آمد
عہدیداروں کےمطابق حفاظتی اہلکاروں کو راجوری کے دلوگرا علاقے میں آئی ای ڈی کی خبر موصول ہوتے ہی بم ڈسپوزل اسکواڈ کو طلب کیا گیا۔
انہوں نے مزید بتایا کہ شاہراہ پر ٹریفک کو فوری طور معطل کر دیا گیا اور بم ڈسپوزل اسکواڈ (بی ڈی ایس) نے آئی ای ڈی کو ناکارہ بنا دیا۔
علاقے کو حفاظتی طور محاصرے میں لیکر تلاشی کارروائی کی گئی۔
مزید پڑھیں: ترال ناگہ بیرن انکاؤنٹر: دو عسکریت پسند ہلاک
دریں اثناء، شمالی کشمیر کے سرحدی قصبہ گریز میں بھی حفاظتی اہلکاروں نے آئی ای ڈی کو ناکارہ بنا کر ایک بڑے حادثے کو ٹال دیا۔
