پلوامہ: پڑھے لکھے بیروزگاروں کی تعداد میں آئے روز اضافہ دیکھنے کو مل رہا ہے، وہیں بعض نوجوان نوکریوں کا تعاقب کرنے کے بجائے خود روزگار کمانے کو ترجیح دیکر نہ صرف اپنے اور اہل و عیال کے لیے نان شبینہ کا انتظام کر رہے ہیں بلکہ دیگر نوجوانوں کے لئے بھی روزگار کے وسائل پیدا کرکے مشعل راہ بن رہے ہیں۔ ایسی ہی ایک مثال ضلع پلوامہ کے چکورہ علاقے سے تعلق رکھنے والے سمیر احمد شیخ کی ہے۔
سمیر احمد شیخ نے بارہویں جماعت کے بعد خود روزگار کمانے کی ٹھان لی اور سبزیوں کی ہائی برڈ پنیری کی کاشت اور اسکی تجارت شروع کی۔ سمیر احمد نے پنیری کی کاشت اور تجارت میں خاصی کامیابی حاصل کی جس کی پذیرائی حکومتی سطح پر بھی انہیں حاصل ہوئی۔ مختلف اقسام کی سبزیوں کی پنیری کا کاروبار کرنے والے سمیر احمد دیگر کئی کنبوں کو بھی روزگار فراہم کر رہے ہیں۔Vegetable Sapling Trade in Pulwama
ای ٹی وی بھارت کے ساتھ بات کرتے ہوئے سمیر احمد نے کہا کہ پنیری کا کاشت اور تجارت کے لیے انہوں نے محکمہ ایگریکلچر سے مدد طلبہ کی اور اپنی اراضی پر مختلف اقسام کی سبزیوں کی پنیری کی کاشت شروع کی۔ سمیر نے سال 2012 میں کام شروع کیا اور جلد ہی ترقی کی منزلیں طے کیں اور اپنے کاروبار کو وسعت دینے کے لیے کئی دیگر نوجوانوں کو اپنے ساتھ ملایا۔Pulwama Hybrid Vegetable Sapling farming and Trade
سمیر نے ای ٹی وی بھارت کے ساتھ بات کرتے ہوئے کہا کہ پنیری کی کاشت اور تجارت سے وہ دیگر ملازمین کی تنخواہوں کا بندوبست کرنے کے ساتھ ساتھ خود بھی سالانہ لاکھوں روپے کما رہے ہیں۔ انہوں نے نوجوانوں کو نوکریوں کا تعاقب کرنے کے بجائے از خود روزگار کمانے پر توجہ مرکوز کرنے کی ترغیب دی ہے۔
