پلوامہ: منشیات میں ملوث گروہ کا پردہ فاش، 4 افراد گرفتار

پلوامہ پولیس نے منشیات کے کاروبار میں ملوث چار افراد کو حراست میں لے لیا ہے، پولیس کا کہنا ہے کہ اس ضمن میں مزید گرفتاریاں متوقع ہیں۔

پلوامہ پولیس نے منشیات فروشوں کے خلاف کارروائی کرتے ہوئے چار منشیات فروشوں کو گرفتار کرنے کا دعویٰ کیا ہے، جب کہ ان کے مطابق منشیات کے کاروبار میں ملوث اور ایس نیٹ ورک سے جڑے مزید افراد کی گرفتاری بھی متوقع ہے۔

ذرائع ابلاغ کو تفصیلات فراہم کرتے ہوئے ڈی وائی ایس پی محمد شفیع نے کہا کہ انہوں مصدقہ اطلاع موصول ہونے پر یکے بعد دیگرے منشیات کے کاروبار میں ملوث کئی افراد کو گرفتار کرلیا۔

انہوں نے کہا کہ ضلع پلوامہ کے پرچھو علاقے میں عمران نامی ایک نوجوان کے گھر پر چھاپہ مار کر پولیس نے منشیات ضبط کرکے عمران احمد کو گرفتار کرلیا۔

پلوامہ پولیس نے مزید کہا کہ عمران سے پوچھ تاچھ کے بعد منشات سے جڑے کئی افراد کے نام سامنے آئے جنہیں یکے بعد دیگرے گرفتار کرلیا گیا۔

منشیات سے منسلک اس گروہ میں پولیس نے عمران سمیت کُل چار افراد کو حراست میں لے لیا ہے۔ پولیس کا کہنا ہے کہ اس ضمن میں مزید گرفتاریاں متوقع ہیں۔

حراست میں لیے گئے افراد میں عمران احمد کے علاوہ گوہر احمد نجار ساکن پینگلنہ، اعجاز احمد ساکن پینگلنہ اور جاوید احمد ساکن ٹہاب شامل ہیں۔

ڈی وائی ایس پی نے اس ضمن میں مزید تفصیلات فراہم کرتے ہوئے کہا کہ کیس کی مکمل جانچ کے لیے ایک کمیٹی تشکیل دی گئی ہے جو اس گروہ کی سبھی سرگرمیوں کا پتہ لگائے گی، جس میں ’قانونی‘ طور پر منشیات کو وادی درآمد کرنا بھی شامل ہے۔