پلوامہ: جنوبی کشمیر کے ضلع پلوامہ کے ہائر سیکنڈری اسکول کاکاپورہ میں محکمہ صحت نے فوج کی 50 راشٹریہ رائفلز کے اشتراک سے ایک مفت طبی کیمپ کے ساتھ ساتھ یوگا کلاس کا انعقاد کیا۔ کیمپ کے دوران اسکولی بچوں کے علاوہ مقامی باشندوں کی ایک خاصی تعداد نے شرکت کی۔ اس موقع پر مقامی لوگوں کے ساتھ ساتھ اسکولی بچوں میں مفت ادویات تقسیم کی گئیں جبکہ طبی ماہرین کی جانب سے طبی معائنہ بھی کیا گیا۔ Health Dept Indian Army organized Medical Camp
منتظمین کے مطابق طبی کیمپ کا مقصد دیہی علاقوں میں عوام تک بہتر طبی نگہداشت کی فراہمی کو یقینی بنانا ہے۔ اس موقع پر محکمہ صحت اور فوج کے افسران کی جانب سے بچوں کو اپنے علاقے کو نشے سے پاک کرنے کے حوالے سے اقدامات اٹھانے کی اپیل کی گئی جبکہ منشیات کے استعمال اور اس سے ہونے والے نقصانات کے حوالے سے بچوں آگاہ کیا گیا جبکہ بچوں سے اپیل کی گئی کہ وہ منشیات سے دور رہیں تاکہ وہ زندگی میں آگے بڑھ سکیں۔Free Medical camp organized in Pulwama
کیمپ میں شرکت کرنے آئے ایک مقامی باشندے نے میڈیا نمائندوں کے ساتھ بات کرتے ہوئے کہا کہ ’’اس طرح کے کیمپس سے لوگوں کو کافی فائدہ ہوتا ہے اور اس طرح کے کیمپس میں دیہی علاقوں میں رہنے والے لوگوں کو بہتر طبی نگہداشت فراہم ہوتی ہے۔‘‘ انہوں نے کہا کہ اس طرح کے کیمپ آگے بھی منعقد کئے جانے چاہئے تاکہ لوگ مستفید ہو سکیں۔
