بھوپال: مدھیہ پردیش کی وزراء کونسل نے آج مکھیہ منتری لاڈلی بہنا یوجنا کو منظوری دے دی جس کا مقصد ہر طبقے اور ذات کی خواتین کو بااختیار بنانا ہے۔وزراء کی کونسل کی میٹنگ کے دوران وزیر اعلیٰ شیوراج سنگھ چوہان نے بتایا کہ کابینہ نے ایک تاریخی فیصلہ لیتے ہوئے اس اسکیم کو منظوری دی ہے۔ اس اسکیم کا فائدہ ہر طبقے اور ذات کی خواتین کو ملے گا۔ جن کی عمر 23 سال سے زیادہ ہوگی ان کے اکاؤنٹ میں ماہانہ ایک ہزار روپے بھیجے جائیں گے۔ انہوں نے کہا کہ بڑھاپے کی پنشن اسکیم 60 سال سے زیادہ عمر کے لوگوں کے لیے لاگو ہے، لیکن انہیں 600 روپے ملتے ہیں، اس رقم کو اس میں شامل کرنے سے انہیں کم از کم 1000 روپے ملیں گے۔ 60 سال سے زیادہ عمر کی خواتین کو 1000 روپے ملیں گے۔چوہان نے کہا کہ وہ 5 مارچ سے اس اسکیم کے لیے درخواستیں لینا شروع کریں گے۔ 5 مارچ کو اسکیم شروع ہونے کے بعد ہولی اور رنگ پنچمی کے بعد 15 مارچ سے درخواستیں بھری جائیں گی۔
وزیراعلیٰ نے بتایا کہ یہ درخواست بہت آسان ہے۔ گاؤں میں ہی ایک ٹیم درخواست بھرنے آئے گی۔ فارم بھرنے میں مدد کے لیے انتظامی عملے کے علاوہ سماجی کارکن بھی موجود ہوں گے۔ اس درخواست کو بھرنے کا کام مارچ اپریل میں مکمل ہو جائے گا۔ شہری وارڈوں میں بھی، اگر نگر پنچایتوں میں وارڈ چھوٹے ہیں تو صرف ایک کیمپ کا انعقاد کیا جائے گا۔ اگر میٹروپولیٹن شہروں میں وارڈز بڑے ہوں گے تو وارڈز کی تقسیم کے بعد بھی کیمپ لگائے جائیں گے۔ انہوں نے اس یقین کا اظہار کیا کہ خواتین اس رقم کو خاندان کو بااختیار بنانے اور خاندان کی بہتری کے لیے استعمال کریں گی۔
یواین آئی
