دھار: ریاست مدھیہ پردیش میں ضلع دھار کے کوکشی تھانہ علاقے میں آج صبح سویرے ایک زیر تعمیر مکان کی دیوار سے دوپیہ گاڑی ٹکرانے سے تین نابالغوں سمیت چار لوگوں کی موقع پر ہی موت ہو گئی۔ کوکشی تھانہ کے مطابق علی گاؤں کے نزدیک بے قابو موٹر سائیکل سڑک کے کنارے ایک زیر تعمیر مکان کی دیوار سے ٹکرا گئی، جس سے چار افراد موقع پر ہی ہلاک ہوگئے۔ Four people died in Dhar Road Accident
مہلوکین کی شناخت پروین (16)، مکیش (21)، ستیش (15) اور پنکج (14) کے طور پر کی گئی ہے۔ مرنے والوں میں سے تین نثار پور ترقیاتی بلاک کے نثار پور کے اور ایک اومری کے رہنے والے بتائے گئے ہیں۔ مہلوکین میں سے چاروں افراد قبائلی برادری سے متعلق ہیں جو ایک پروگرام میں شرکت کے بعد واپس گھر جا رہے تھے۔
یہ بھی پڑھیں: Vehicle Plunges Into Chenab River ڈوڈہ میں گاڑی دریائے چناب میں گر جانے سے تین سرکاری ملازم ہلاک
یو این آئی
