سری نگر میں اتوار کے روز عسکریت پسندوں نے پولیس اہلکار ارشد اشرف پر اندھا دھند گولیاں چلا کر ہلاک کردیا۔
مہلوک پولیس افسر ارشد اشرف کو پولیس لائنز سری نگر میں خراج عقیدت پیش کیا گیا۔
پولیس سب انسپکٹر ارشد اشرف رامحال کپوارہ سے تعلق رکھتے تھے۔ گھر پر جب ان کے جسد خاکی کو لایا گیا تب یہاں لوگوں کا ہجوم جمع ہوگیا۔ لوگوں نے نم آنکھوں سے ان کا دیدار کیا۔ نماز جنازہ میں شریک ہوئے اور ان کے لیے مغفرت کی دعا کی۔ شام دیر گئے سپرد لحد کردیا گیا۔
یہ بھی پڑھیں:سرینگر: سب انسپکٹر کے قاتل کی ہوئی شناخت: دلباغ سنگھ
ارشد اشرف کچھ دن قبل ہی سب انسپکٹر بنے تھے۔ اور سرینگر خانیار پولیس اسٹیشن میں وہ خدمات انجام دے رہے تھے۔
لواحقین میں والدین ایک بہن اور ایک بھائی ہیں۔
ادھر جموں و کشمیر پولیس کے ڈی جی پی دلباغ سنگھ نے دعویٰ کیا کہ ارشد کی ہلاکت میں ملوث عسکریت پسندوں کی شناخت ہو گئی ہے اور انہیں بہت جلد کیفر کردار تک پہنچایا جائے گا۔
انہوں نے کہا وہ پستول بردار اس گروپ کے بارے میں زیادہ کچھ نہیں بولیں گے لیکن ان کی شناخت کی گئی ہے۔
