محکمہ بجلی میں یومیہ اجرت پر کام کر رہے ایک ڈیلی ویجر کا سرینگر کے اسپتال میں Injured PDD Daily Wager Succumbed انتقال ہو گیا۔
جنوبی کشمیر South Kashmir کے کولگام ضلع کے بوگنڈ علاقے سے تعلق رکھنے والا شبیر احمد ڈار ولد محمد اسماعیل ڈار محکمہ بجلی میں بحیثیت عارضی ملازم کام کر رہا تھا۔ اتوار کو شبیر بجلی ترسیلی لائن کی مرمت کے دوران کھمبے سے گر کر شدید زخمی PDD Daily Wager Injured in Kulgam ہو گیا تھا۔
شبیر احمد کو فوری طور نزدیکی اسپتال پہنچایا گیا جہاں سے انہیں نازک حالت میں سرینگر ریفر کیا گیا۔
سرینگر کے صورہ اسپتال میں پانچ روز تک موت و حیات کی کشمکش میں رہنے کے بعد بالآخر جمعہ کو شبیر احمد زخموں کی تاب نہ لاکر فوت Kulgam PDD Daily Wager Succumbed ہوگئے۔
مزید پڑھیں: PDD Daily Wager Electrocuted to Death: کرنٹ لگنے سے پی ڈی ڈی کے عارضی ملازم کی موت
شبیر کی میت آبائی علاقہ پہنچتے ہی وہاں کہرام مچ گیا۔ سینکڑوں افراد نے ان کے جنازے میں شرکت کر کے انہیں پُر نم آنکھوں سے سپرد لحد کیا۔
ادھر، ڈیلی ویجر ایسو سی ایشن کے صدر نے کہا کہ فوت ہوئے شبیر کے اہل خانہ کی باز آبادکاری کے لیے ضلع انتظامیہ سمیت محکمہ کے اعلیٰ افسران سے رجوع کیا جائے گا۔
