ضلع ترقیاتی کمشنر کولگام، بلال محی الدین بٹ نے ضلع کے مختلف ویکسینیشن مراکز کا اچانک دورہ کرکے مراکز میں جاری ٹیکہ کاری مہم کا معائنہ کیا۔ اس موقع پر انہوں نے ضلع میں ویکسینیشن عمل میں سرعت لائے جانے پر زور دیا۔
انہوں نے کولگام کے مین بازار کا بھی معائنہ کرکے مختلف دکانداروں اور تجارتی مراکز پر کام کرنے والے عملہ کی ویکسینیشن سند چیک کی۔
مزید پڑھیں: گلگام: بازاروں میں پھر سے رونق
ڈی سی کولگام نے ایس او پیز کی خلاف ورزی کرنے والے خصوصاً ماسک نہ پہننے والے افراد کے خلاف کڑی کارروائی کرنے کی ہدایت کی۔
ضلع ترقیاتی کمشنر نے قصبے میں موبائل ویکسینیشن ڈیوٹی پر تعینات عملے کو ویکسینیشن مہم میں سرعت لائے جانے کی تلقین کرتے ہوئے میونسپل کمیٹی چیئرمین کو بھی قصبہ کے داخلی و خارجی راستوں پر ناکہ قائم کرکے آنے جانے والے افراد کی ویکسینیشن سے متعلق جانچ پڑتال کرنے کی تلقین کی۔
