سرکاری ذرائع کے مطابق جنوبی کشمیر کے ضلع کولگام میں تعینات ایک سی آر پی ایف اہلکار کی شیر کشمیر انسٹی ٹیوٹ آف میڈیکل سائنسز صورہ سرینگر میں موت واقع ہوئی ہے۔
سرکاری ذرائع نے بتایا کہ ضلع کولگام میں تعینات سی آر پی ایف اہلکار کو ہسپتال میں داخل کرایا گیا تھا، جس کا کورونا ٹیسٹ مثبت آیا اور اس کی موت واقع ہوئی۔
بتادیں کہ وادی کشمیر میں کسی سی آر پی ایف اہلکار کی کورونا میں مبتلا ہو کر موت واقع ہونے کا یہ دوسرا کیس ہے۔
اس سے قبل اننت ناگ کے ارنہال علاقے میں تعینات اترپردیش سے تعلق رکھنے والے سی آر پی ایف کی 90 بٹالین سے وابستہ ایک 40 سالہ اہلکار کی کورونا وائرس سے موت ہوئی تھی۔ ان کی آخری رسومات بھی کشمیر میں ہی ادا کی گئی تھیں۔
جموں و کشمیر میں کورونا سے مرنے والوں کی تعداد 182 ہوئی ہے
