بیدر: ریاست کرناٹک کے بیدر ضلع میں غیرموسمی بارش کے سبب مختلف فصلیں تباہ ہوگئیں۔ بیدر جنوب اسمبلی حلقے کے مختلف دیہاتوں میں غیرموسمی بارش کے باعث کی فصلیں تباہ ہوگئیں۔ اس سلسلے میں ایک کسان نے بتایا کہ اس نے اپنے دو ایکڑ کھیت میں ٹماٹر کی فصل لگائی تھی مگر غیر موسمی بارش اور ژالہ باری کے سبب ساری فصل تباہ ہو چکی ہے۔ بھاری مالی نقصان کا سامنا کرنا پڑا۔ انہوں نے کہا کہ دو ایکڑ پر مشتمل یہ ٹماٹر کی فصل جس کی قیمت تقریبا ایک لاکھ روپے آسکتی تھی لیکن اب مجھے اس سے دس ہزار روپے بھی آنا مشکل ہے جبکہ میں نے اس کی دیکھ بھال کے لئے چالیس ہزار روپے خرچ کئے تھے۔ اس غیر موسمی بارش کے سبب مجھے کافی نقصان ہوا ہے۔
ان کا کہنا ہے کہ حکومت کی جانب سے کسانوں کو ملنے والی رقم بھی اس سال سے انہیں نہیں مل رہی ہے متعلقہ ذمہ داران سے پوچھنے پر اوپر سے ہی بند ہونے کی بات کہی ہے ۔ٹماٹر کے ساتھ ساتھ بیگن کی سبزی کی بھی فصل لگائی گئی تھی۔ وہ بھی خراب ہوچکی ہے۔ بیگن کے بھی سارے پھول آچکے تھے جو آگے چل کر پھول بنتے ہیں۔ بارش کے سبب سارے پھول جھڑ گئے ہیں۔ کسانوں نے کہاکہ فصلیں برباد ہونے کے بعد راست نقصان ہوتا ہے کیونکہ اس کی جگہ کسی دوسری فصل کو اگا نہیں سکتے ہیں کیونکہ اس میں تھوڑا وقت لگ جاتا ہے۔
