جموں و کشمیر پولیس نے ڈرون کے ذریعے جموں کے پھلیان منڈل میں دو اکتوبر کو ہتھیار گرائے جانے کے معاملے میں جنوبی کشمیر کے ضلع اننت ناگ سے تعلق رکھنے والے ایک نوجوان کو گرفتار کر لیا ہے۔
پولیس کا کہنا ہے کہ جموں کے پھلیان منڈل علاقے میں 2اکتوبر کو ڈرون کے ذریعے ایک اے کے47 رائفل و دیگر اسلحہ گرایا گیا جس کو پولیس نے فوری طور پر ضبط کرکے تحقیقات شروع کی تھی۔
جموں پولیس نے حراست میں لیے گئے نوجوان کی شناخت عرفان احمد بٹ ولد فاروق احمد بٹ ساکنہ ویری ناگ، اننت ناگ کے طور پر کی ہے۔
مزید پڑھیں: جموں و کشمیر: 30 گھنٹوں میں 5 فوجی اہلکار اور 7 عسکریت پسند ہلاک
پولیس کا مزید کہنا ہے کہ تفتیش کے دران عرفان احمد نے ممنوعہ عسکری تنظیم لشکر طیبہ کے ساتھ روابط کا اعتراف کیا ہے۔ پولیس کا مزید کہنا ہے کہ عرفان احمد ڈرون کے ذریعے گرائے گئے ہتھیار لینے کے لیے جموں آیا تھا۔
