جموں، ریاسی جموں میں کرایہ داروں کی تفصیلات فراہم نہ کرنے پر پولیس نے متعدد ہوٹل مالکان اور دیگر افراد کے خلاف مقدمہ درج کیا۔ اطلاعات کے مطابق جموں پولیس نے چند روز قبل سرکیولر جاری کیا کہ وقت مقررہ کے اندر اندر کرایہ داروں کی تفصیلات نزدیکی پولیس تھانوں میں جمع کریں۔ معلوم ہوا ہے کہ اتوار کے روز پولیس نے تفصیلات جمع نہ کرنے کی پاداش میں آٹھ ایف آئی آر درج کئے۔ ذرائع نے بتایا کہ کٹرا میں چار اور ریاسی میں چار کیس درج کئے گئے۔
سرکاری ذرائع کے مطابق ہوٹل چلانے والوں اور دیگر افراد کو کرایہ داروں کی تفصیلات جمع کرنے کی ہدایت دی گئی تھی۔ انہوں نے کہاکہ ملک دشمن عناصر کے منصوبوں کو ناکام بنانے کی خاطر اس طرح کا فیصلہ لیا گیا تاہم بدقسمتی سے کہنا پڑرہا ہے کہ ہوٹل والوں نے ابھی تک تفصیلات فراہم نہیں کی۔ اُن کے مطابق ریاسی میں ابھی تک پولیس نے 326کرایہ داروں کی تفصیلات جمع کی ہیں جبکہ پولیس کی جانب سے رہائشی علاقوں میں ویری فکیشن کا عمل شروع جاریہے۔
بتادیں کہ راجوری کے ڈانگری میں شہری ہلاکتوں کے بعد جموں انتظامیہ نے لوگوں سے اپیل کی ہے کہ وہ کرایہ داروں کی تفصیلات وقت مقررہ کے اندر اندر نزدیکی پولیس تھانوں میں جمع کریں۔
مزید پڑھیں:FIR Over Stone Throwing incident پتھراؤ کے واقعہ میں پونچھ پولیس نے ایف آئی آر درج کی
یو این آئی
