پلوامہ: جموں و کشمیر کے ضلع پلوامہ کے قصبہ کھریو کے بٹہ دلو علاقے میں واقع سڑک کا آج سے میکڈیماٸزیشن کا کام شروع کیا گیا ہے۔ میکڈمائزیشن کے کام کا افتتاح گوجر بکروال کونسل کے جنرل سکرٹری محمد یاسین پوسوال اور ڈی ڈی سی ممبر تازیمہ اختر نے کیا۔ Macadamization in Pulwama
مقامی لوگوں کے مطابق ان کے مذکورہ گاؤں کو قصبہ کھریو اور دوسرے علاقوں سے ملانے والی یہ سڑک کئی برسوں سے خستہ حال تھی، تاہم میکڈیمائزیشن کا کام شروع ہونے سے علاقے کے لوگوں میں خوشی کا ماحول ہے۔ مقامی لوگوں نے بتایا کہ اس سڑک پر چلنے پھرنے میں انہیں کافی دقتوں کا سامنا کرنا پڑتا تھا، لیکن اب مذکورہ سڑک کی مرمت ہوجانے سے کئی پریشانیاں حل ہوجائیں گی۔
میکڈیماٸزیشن کے کام سے خوش مقامی لوگوں نے ایل جی انتظامیہ اور ضلع انتظامیہ پلوامہ کا شکریہ ادا کرتے ہوئے کہا کہ آج انتظامیہ نے علاقے کے لوگوں کے ایک ادھورے خواب کو پوارا کیا ہے۔
