ضلع گاندربل کے وارپوہ علاقے میں ریچھ کی موجودگی کی اطلاع موصول ہوتے ہی وائلڈ لائف ڈیپارٹمنٹ (J&K Wild Life Department) نے جگہ جگہ پنجرے نصب کیے تھے۔ جمعرات کی صبح محکمہ وائلڈ لائف نے ریچھ کو پکڑنے میں کامیابی حاصل کرکے اسے کنٹرول روم گاندربل لے گئے۔
قابل ذکر ہے کہ گزشتہ روز بھی ضلع کے مینگ علاقے میں محکمہ وائلڈ لائف (J&K Wild Life Department) نے ایک ریچھ کو پکڑ کر اسے داچھی گام نیشنل پارک پہنچایا تھا۔
مقامی باشندوں کے مطابق شہامہ سے ملحقہ علاقہ وارپوہ میں گزشتہ چند روز سے ریچھ نے خوف و ہراس کا ماحول بپا کیا تھا جس کی وجہ سے وارپوہ اور اس سے ملحقہ علاقوں میں لوگ باہر نکلنے میں خوف محسوس کررہے تھے، محکمہ وائلڈ لائف کی جانب سے ریچھ کو پکڑنے کے بعد مقامی آبادی نے راحت کی سانس لی۔
مزید پڑھیں: Bear in Ganderbal: گاندربل میں ریچھ کو پکڑ کر داچھی گام پارک پہنچایا گیا
دریں اثناء محکمہ وائلڈ لائف میں یومیہ اجرت پر کام کر رہے عارضی ملازمین نے حکام سے رکی پڑی تنخواہوں کو واگزار کرنے کی اپیل کی ہے۔
