جموں و کشمیر کے ضلع گاندربل میں عوامی شکایات اور مسائل کا جائزہ لینے کے لیے ڈویلپمنٹ کمشنر گاندربل نے ہفتہ وار بلاک دیوس کے حصے کے طور پر منی سیکٹریٹ گاندربل میں بلاک وکورا کے پی آر آئی نمائندوں کے ساتھ بات چیت کے لیے پروگرام منعقد کیا۔
پروگرام کے دوران، بی ڈی سی کی چیئرپرسن وکورا، بلاک وکورا کے سرپنچوں اور پنچوں نے ڈی سی کو پانی کی فراہمی اور بجلی کی بہتری، ناکارہ بور ویلوں کی مرمت، سڑکوں کی بہتری، وسکورا گاؤں میں سب سینٹر اور مختلف بنیادی مسائل سے آگاہ کیا۔
ڈی سی نے پی آر آئی کے پیش کردہ تمام مسائل اور مطالبات کو غور سے سنا اور متعلقہ افسران کو ہدایت کی کہ وہ اپنے محکموں سے متعلق مسائل/ شکایات کی ایک فہرست تیار کریں جو ایک ہفتے کے اندر حل کی جائیں'۔
مطالبات اور مسائل کا جواب دیتے ہوئے ڈی سی نے اے سی ڈی کو ہدایت کی کہ وہ بین ڈیپارٹمنٹل میٹنگ لے کر پی آر آئی کو بورڈ میں لے اور ان کاموں کی ایک جامع فہرست تیار کرے جن کو ترجیحی بنیادوں پر حل کیا جائے۔'
دریں اثناء ڈی سی نے بلاک وکورا میں جاری کاموں کی صورتحال کے بارے میں بھی دریافت کیا اور بی ڈی او کو ہدایت کی کہ وہ باقاعدہ فیلڈ دورے کے ذریعے ان کاموں کی مانیٹرنگ کو یقینی بنائے اور پی آر آئی پر زور دیا کہ وہ اپنی پنچایتوں میں جاری کاموں کی مانیٹرنگ میں اپنا فعال کردار ادا کریں۔'
- مزید پڑھیں: ضلع ترقیاتی کمشنر گاندربل کی ہفتہ وار بلاک دیوس میں شرکت
- وسطی ضلع گاندربل میں ہفتہ وار بلاک دیوس کا انعقاد
پروگرام کے دوران موجود افسران میں اے ڈی ڈی سی، پیر مظفر احمد، اے ڈی سی، فاروق احمد بابا، اے سی ڈی، اے سی پی، ڈی وائی ایس پی، شامل تھے۔ جبکہ مختلف ونگز کے انجینئرز، سی ایم او، سی ای او، تحصیلدار وکورا، بی ڈی او اور دیگر متعلقہ افسران بھی موجود تھے۔'
