بارہمولہ: ضلع بارہمولہ کے سوپور قصبہ سے محض تین کلو میٹر دور سعیدہ پورہ علاقے کے باشندوں نے گورنمنٹ ہائی اسکول سعید پورہ Students of Dilapidated Govt School Shines کے احاطے میں دسویں جماعت میں نمایاں کارکردگی کا مظاہرہ کرنے والی طالبات کے اعزاز میں ایک تقریب منعقد کی۔
گورنمنٹ ہائی اسکول Govt School Shines in 10th Class Results میں زیر تعلیم 12 طالبات نے دسویں جماعت کے سالانہ امتحان میں حصہ لیا۔ سالانہ امتحان میں سبھی طالبات کامیاب قرار دی گئی۔ وہیں ان میں سے 4 طالبات نے امتیازی پوزیشن حاصل کر کے نہ صرف والدین، اساتذہ بلکہ پورے علاقے کا نام روشن کیا۔
گورنمنٹ ہائی اسکول سعید پورہ، سوپور کی عمارت انتہائی خستہ ہو چکی ہے، طلبہ کے لیے مختص 5 کمروں میں سے 3 کو غیر محفوظ قرار دیا گیا، جب کہ اسکول میں زیر تعلیم سبھی طلبہ کے لیے محض دو کمرے ہیں۔
مزید پڑھیں: کشمیر: تقریباً دو درجن سرکاری اسکولوں میں دسویں جماعت کا رزلٹ صفر
مقامی باشندوں نے اسکول کے اساتذہ کی ستائش کرتے ہوئے کہا کہ ’’بنیادی سہولیات کے فقدان کے باوجود اساتذہ نے محنت و لگن کے ساتھ طلبہ کو علم کے نور سے آراستہ کیا۔‘‘
طلبہ نے بھی اپنی کامیابی کا سہرا اپنے اساتذہ کے سر باندھا، تاہم انہوں نے انتظامیہ خصوصا محکمہ تعلیم سے اسکول کا بنیادی ڈھانچہ مستحکم کرنے کا مطالبہ کیا۔
