سوپور: شمالی کشمیر کے ضلع بارہمولہ کے سوپور کے مہراج پورہ علاقے میں لوگوں کو ناقص ڈرینیج سسٹم اور سڑکوں کی خستہ حالی کے سبب کافی مشکلات کا سامنا ہے۔ لوگوں کے مطابق ان کو پچھلے بیس سالوں سے بالکل نظر انداز کیا گیا اور ان کو طرح طرح کی مشکلات ہیں۔ انہوں نے بتایا کہ ہمارے اس علاقے کی طرف کوئی بھی توجہ نہیں دی جا رہی ہے اور ہماری مدد کے لیے کوئی سامنے نہیں آتا ہے۔ اس ضمن میں عام آدمی پارٹی کے ایک لیڈر نے اس علاقے کا دورہ کیا۔ دورہ کے بعد انہوں نے کہا کہ ان لوگوں کو کئی طرح کی مشکلات ہیں جن کو فوری طور پر حل کرنے کی ضرورت ہے۔ Sopore Residents Worried about Dilapidated Roads
یہ بھی پڑھیں:
میڈیا کے ساتھ بات کرتے ہوئے عام آدمی پارٹی کے لیڈر رضوان نے بتایا کہ آج تک وقت کے حکمرانوں نے سوپور اور اس کے علاقہ جات سے وابستہ لوگوں کا کافی استحصال کیا ہے اور کوئی بھی کام نہیں کیا ہے۔ انہوں نے بتایا کہ سڑکوں کی حالت کافی خراب ہے، اور اس گاؤں میں ناقص ڈرینیج سسٹم بھی ہے جس سے لوگوں کو طرح طرح کی مشکلات درپیش ہے۔ انہوں نے بتایا کہ عام آدمی پارٹی سوپور کے مسائل حل کرے گی کیونکہ آج تک جو بھی سرکار میں رہا انہوں نے صرف لوگوں کے ساتھ دھوکہ کیا لیکن ہم صرف لوگوں کے کام کریں گے۔
