ضلع بارہمولہ میں واقع ایشاء کی دوسری بڑی فروٹ منڈی سوپور میں فروٹ گروورس ایسوسی ایشن کی جانب سے کسانوں خصوصا سیب کی کاشت اور تجارت سے وابستہ افراد کے لیے یک روزہ کسان میلہ منعقد Awareness Camp For Fruit Growers کیا گیا۔
کسان میلہ میں محکمہ باغبانی کے افسران سمیت میوہ صنعت سے جڑے تاجروں کی خاصی تعداد نے شرکت کی۔ فروٹ گروورس ایسو سی ایشن کے زعماء نے کسانوں خاص کر سیب کی کاشت اور تجارت سے وابستہ افراد کو درپیش مسائل متعلقہ محکمہ کے افسران کی نوٹس میں لائے۔
انہوں نے سیب کی پیداوار میں اضافہ کے لیے کاشت کاروں کو وقت پر کھاد، جراثیم کش ادویات فراہم کرنے کے علاوہ جدید سائنسی تحقیقات سے کسانوں کو باخبر کرنے پر بھی زور دیا۔
انہوں نے کشمیری میوہ جات خصوصا سیب کو عالمی منڈیوں تک پہنچانے کے حوالے سے بھی سنجیدہ اقدامات اٹھائے جانے پر زور Kisan Mela Organised at Fruit Mandi Soporeدیا۔
محکمہ باغبانی کے افسران نے کسانوں کو اپنی پیداوار میں اضافہ کے ساتھ ساتھ اسکے تحفظ کے حوالے سے محکمہ کی جانب سے تعاون فراہم کرنے کی یقین دہانی کی۔
مزید پڑھیں: بارہمولہ میں کسان میلے کا انعقاد
ڈائریکٹر ہارٹیکلچر نے میڈیا سے کہا کہ اس طرح کے پروگرامز کے انعقاد کا مقصد کسانوں سے روبرو ملاقات کرکے ان کے مسائل کو ترجیحی بنیادوں پر حل کرنا ہے، تاکہ پیداوار میں اضافہ کو ممکن بنانے کے ساتھ ساتھ کسانوں کی آمدنی میں بھی اضافہ ہو سکے۔
