اننت ناگ: جنوبی کشمیر کے کولگام ضلع میں مشتبہ عسکریت پسندوں نے ایک بینک منیجر کو گولی مار کر ہلاک کر دیا۔ بینک منیجر کی شناخت وجے کُمار کے طور پر ہوئی ہے اور ان کا تعلق ریاست راجستھان سے ہے۔ اس واقعہ کے بعد اننت ناگ کے مٹن علاقے میں مقیم کشمیری مہاجر پنڈت ملازمین نے وادی سے جموں کی جانب ہجرت کرنے کی کوشش کی، تاہم پولیس نے ان کی کوشش کو ناکام بنا دیا۔Pandit Protest in Anantnag
اس دوران مائگرنٹ کشمیری پنڈت ملازمین نے پولیس پر زیادتیوں کا الزام عائد کیا۔ ملازمین نے کہا کہ حکومت پوری طرح سے ان کو تحفظ دینے میں ناکام ہوگئی ہے اور دوسری جانب جب وہ وادی سے ہجرت کرنے کی کوشش کر رہے ہے تو انہیں بلا وجہ روک کر ان کی جان خطرے میں ڈال دیا جاتا ہے۔ وہیں پولیس نے پوری طرح کشمیری مائگرنٹ پنڈت کالونی کو سیل کر دیا ہے اور کسی کو باہر جانے کی اجازت نہیں دی جا رہی ہے۔
مزید پڑھیں:
