26 اکتوبر سے یکم نومبر تک ویجلینس بیداری ہفتہ مناتے ہوئے، ڈی سی آفس اننت ناگ میں حلف برداری کی تقریب منعقد کی گئی۔
حلف برداری کے دوران ملازمین کو دیانتداری کا عہد دلایا گیا، ضلع انتظامیہ کے افسران و اہلکاروں نے رشوت نہ لینے کا عہد لیا۔
اس موقع پر کہا گیا کہ ’’رشوت ملک کی معاشی اور سماجی ترقی میں بڑی رکاوٹ ہے۔ اس لئے رشوت خوری کا خاتمہ ملک و ریاست کی ترقی کا ضامن ہے۔‘‘
مزید پڑھیں؛ پہلگام: دل کا دورہ پڑنے سے خاتون سیاح کی موت
افسران نے دیانتداری کا عہد لیا اور بدعنوانی کے خلاف جنگ میں تعاون کا وعدہ کیا۔ یہ عہد ایڈیشنل ڈپٹی کمشنر اننت ناگ غلام حسن شیخ نے کروایا۔
اسی طرح کی تقریب ضلع بھر کے تمام سرکاری دفاتر میں منعقد ہوئی۔
