کشمیر: پہلگام میں سی آر پی ایف اہلکار کی خود کشی

جموں و کشمیر کے ضلع اننت ناگ کے پہگام علاقے میں مبینہ طور پر سی آر پی ایف اہلکار نے خود کشی کر لی۔

اطلاعات کے مطابق سی آر پی ایف اہلکار نے مبینہ طور پر اپنی رائفل سے گولی مار دی۔
ذرائع نے بتایا کہ ان کے ساتھی گولی کی آواز سنتے ہی فوری طور جائے واقعہ کی طرف دوڑ پڑے اور انہیں خون میں لت پت دیکھا، تاہم فوری طور پر انہیں اسپتال منتقل کیا جہاں ڈاکٹرز نے انہیں مردہ قرار دیا۔

سی آر پی ایف اہلکار کی شناخت 34 برس کے ایشوراپا کے طور پر ہوئی ہے اور ان کا تعلق ریاست کرناٹک سے ہے۔ ایشوراپا پہلگام میں 116 بٹالین میں اپنی ڈیوٹی انجام دے رہے تھے۔