اننت ناگ: رواں ماہ کی 30 تاریخ سے شروع ہونے والی امرناتھ یاترا کی سکیورٹی کے حوالے سے مختلف سکیورٹی ایجنسیوں کے افسران کے ساتھ اننت ناگ میں ایک تفصیلی میٹنگ کا انعقاد عمل میں لایا گیا۔ میٹنک کی صدارت ضلع ترقیاتی کمشنر اننت ناگ ڈاکٹر پیوش سنگلا نے کی۔ Amarnath Yatra Coordination Meeting in Anantnag
امرناتھ یاترا کے حوالہ سے سیول انتظامیہ اور سکیورٹی ایجنسیوں کی کوآرڈینیشن میٹنگ
اس موقع پر ڈاکٹر سنگلا نے کہا کہ ڈیزاسٹر منیجمنٹ مراکز کی نشاندہی کی گئی ہے اور وہاں پر مناسب انتظامات کی دستیابی کو یقینی بنایا گیا ہے۔ میٹنگ کے دوران ڈیزاسٹر مینجمنٹ پلان اور ہر بیس کیمپ اور ٹرانزٹ کیمپ میں قدرتی آفات سے نمٹنے کے خاطر خواہ اقدامات کی فراہمی پر تبادلہ خیال کیا گیا۔ ایمرجنسی کی صورت میں یاتریوں اور خُدام کو بچانے اور انہیں تحفظ فراہم کرنے کے حوالے سے ڈی سی نے کہا کہ تمام تر تیاریاں مکمل کر لی گئی ہیں اور کیمپوں میں اس مناسب سے ہدایات نامے آویزاں رکھے جائیں گے۔سول انتظامیہ اور پولیس حکام نے پارکنگ اور ٹریفک مینجمنٹ کا منصوبہ بھی پیش کیا۔
ڈی سی کو بتایا گیا کہ پارکنگ کے لیے جگہیں مختص کر دی گئی ہیں اور انہیں جیو ٹیگ کر دیا جائے گا تاکہ سڑک کنارے پارکنگ کی وجہ سے ٹریفک جامنگ سے بچا جا سکے۔ پہلگام ڈیولاپمنٹ اتھارٹی کے سی ای او، نے شرکا کو امرناتھ ٹریک کی تیاریوں سے آگاہ کیا۔ انہوں نے کہا کہ راستے کا تفصیلی معائنہ کیا گیا ہے اور یاتریوں، ملازمین و دیگر افراد کی نقل و حرکت کو آسان بنانے کے لیے ٹریک کو تیار کیا جا رہا ہے۔ رضاکاروں کی تعیناتی کا منصوبہ بھی مرتب کیا گیا ہے اور بتایا گیا کہ رضاکار صفائی کے منصوبے کے نفاذ اور امرناتھ گھپا کے راستے میں یاتریوں کی سہولت اور نگرانی کریں گے۔
مزید پڑھیں:
میٹنگ میں ڈی آئی جی سی آر پی ایف، ایس ایس پی اننت ناگ، اے ڈی سی، ڈپٹی کمانڈنٹ 1 آر آر، سی ای او، پی ڈی اے، ایس ڈی ایم پہلگام، آر اینڈ بی، ہائیڈرولکس اور کے پی ڈی سی ایل کے ایس ای، بی ایس ایف، سی آئی ایس ایف، آئی ٹی بی پی، ایس ڈی آر ایف کے کمانڈنٹ اور دیگر نے شرکت کی۔
