عالمی نمبر ایک کھلاڑی سربیا کے نوواک جوکووچ نے ویسٹرن اینڈ ساؤدرن ٹینس ٹورنامنٹ جیتنے کے ساتھ ہی رافیل ندال کے 35 اے ٹی پی ماسٹرز۔1000 ٹورنامنٹ کے خطاب جیتنے کے ریکارڈ کی برابری کر لی ہے۔
جوکووچ اور راؤنک کے مابین تین سیٹ تک چلنے والے فائنل مقابلے کا پہلا سیٹ راؤنک نے 1-6 سے جیت لیا تھا لیکن اس کے بعد جوکووچ نے شاندار واپسی کی اور مسلسل دو سیٹ 3-6 اور 4-6 سے جیت کر تاریخ رقم کرتے ہوئے یہ خطاب اپنے نام کر لیا۔
نوواک جوکوچ نے اس سے قبل یہ خطاب سنہ 2018 میں جیتا تھا تب انہوں نے فائنل مقابلے میں راجر فیڈرر کو شکست دی تھی۔
جوکووچ نے اس مقابلے کو جیتنے کے ساتھ ہی میلوس راؤنک کے خلاف اپنے جیت کے ریکارڈ کو برقرار رکھا ہے، ان دونوں کے درمیان ہوئے سبھی 11 مقابلوں میں جوکووچ نے جیت درج کی ہے جبکہ جوکووچ نے اس سال 23 میچز جیتے ہیں۔
اس کے ساتھ ہی جوکووچ نے عالمی نمبر دو کھلاڑی اسپین کے رافیل ندال کے 35 اے ٹی پی ماسٹرز۔1000 ٹورنامنٹ کے خطاب جیتنے کے ریکارڈ کی برابری کرلی ہے۔
جوکووچ واحد ایسے کھلاڑی ہیں جنہوں نے سبھی اے ٹی پی ماسٹرز۔1000 کا ٹائٹل جیتا ہے۔
