بھارت کے جیولن تھروور سُمیت انتِل نے ٹوکیو پیرالمپکس 2020 میں بھارت کے لیے ایک اور تمغہ جیتا ہے۔ سُمیت انتِل نے پیر کو مردوں کے ایف 64 زمرے کے فائنل میں طلائی تمغہ جیتا۔ سُمیت کی اس جیت کے ساتھ ہی بھارت کے تمغوں کی تعداد سات ہوگئی ہے۔
سمیت نے 68.55 میٹر دور بھالا پھینک کر طلائی تمغہ اپنے نام کیا۔ سمت کا یہ تھرو ایک عالمی ریکارڈ بھی بن گیا ہے۔ یہ ٹوکیو پیرالمپکس 2020 میں بھارت کا دوسرا طلائی تمغہ ہے۔
سُمیت سے پہلے اونی لکھیرا نے شوٹنگ میں بھارت کے لیے گولڈ میڈل جیتا۔ انہوں نے پیر کو خواتین کی R-2 10m ایئر رائفل اسٹینڈنگ SH1 میں طلائی تمغہ جیتا۔
سُمیت کی جیت پر وزیر اعظم نریندر مودی نے انہیں مبارکباد پیش کی۔ مودی نے ٹوئٹر پر لکھا کہ 'پیرالمپکس میں ہمارے کھلاڑیوں کی اچھی کارکردگی جاری ہے اور قوم کو سُمیت انتِل پر فخر ہے۔
یہ بھی پڑھیں: ٹوکیو پیرالمپکس: بھارت کو ایئر رائفل میں طلائی، جبکہ ڈسکس تھرو میں سلور میڈل
آپ کو بتادیں کہ اس سے قبل پیر کو دیویندر جھاجریہ اور سندر سنگھ گرجر نے بھی جیولین تھرو میں تمغے جیتے۔ دیویندر نے چاندی اور سندر سنگھ نے کانسہ کا تمغہ جیتا۔
