بھارت اور آسٹریلیا کے درمیان ٹی -20 سیریز کا دوسرا میچ آج سڈنی میں کھیلا جارہا ہے۔ بھارتی کپتان وراٹ کوہلی نے ٹاس جیت کر آسٹریلیا کو بلے بازی کی دعوت دی ، جس کے بعد آسٹریلیائی بلے بازوں نے فائدہ اٹھاتے ہوئے مقررہ 20 اوور میں 5 وکٹ کے نقصان پر 194 رن بناکر بھارت کو 195 رنوں کا ہدف دیا۔جس کے جواب میں بھارتی ٹیم نے 19.4 اوور میں 4 وکٹ کے نقصان پر 195 رن بناکر میچ جیت لیا۔
آسٹریلیا کی جانب سے میتھیو ویڈ اور ڈی آرسی شارٹ نے اننگ کی شروعات کرتے ہوئے پہلے وکٹ کے لیے 4 اوورز میں 47 رنز کی پارٹنرشپ کی، حالانکہ شارٹ 9 گیندوں میں 9 رنز ہی بنا سکے لیکن میتھیو ویڈ نے دوسرے کنارے سے تیزی سے رنز بنانے کا سلسلہ جاری رکھا۔
ویڈ نے جارحانہ بلے بازی کا مظاہرہ کرتے ہوئے 32 گیندوں میں 10 چوکوں اور ایک چھکے کی مدد سے 58 رنز کی اننگ کھیلی لیکن بدقسمتی سے رن آؤٹ ہوگئے۔
یہ بھی پڑھیں:
افغانستان کے اسپنر مجیب الرحمان کورونا وائرس سے متاثر
اس کے علاوہ اسٹیو اسمتھ 46 رنز بنائے جبکہ گلین میکسویل نے 22 رنز کی اننگ کھیلی۔
بھارت کی جانب سے ٹی نٹراجن نے دو بلے بازوں کو پویلین کی راہ دکھائی جبکہ شاردُل ٹھاکر اور یزویندر چہل نے ایک ایک وکٹ حاصل کیا۔
