مرکزی حکومت کے خلاف کسانوں کی تحریک کی بات بھارتی کرکٹ ٹیم کے ڈریسنگ تک پہنچ گئی اور کھلاڑیوں نے کسانوں کی تحریک پر آپس میں تبادلہ خیال بھی کیا۔ یہ اطلاع کپتان وراٹ کوہلی نے پریس کانفرنس میں دی۔
وراٹ کوہلی کل کے میچ سے قبل ٹیم کی حکمت عملی اور دیگر موضوع پر منعقد پریس کانفرنس میں یہ باتیں بتائی۔
وراٹ کوہلی نے کہا کہ 'ٹیم میٹنگ میں کسان تحریک کے بارے میں تبادلہ خیال کیا گیا۔ انہوں نے کہا کہ میٹنگ میں کسانوں کے نئے زرعی قوانین کے خلاف احتجاج پر تبادلہ خیال کیا گیا جس میں تمام کھلاڑیوں اپنی اپنی رائے پیش کی۔
یہ بات وراٹ نے اس وقت بتائی جب ایک صحافی نے کوہلی سے ان کے ٹویٹ کے بارے میں پوچھا جس میں انہوں نے کسانوں کے آندولن کے بارے میں لکھا تھا۔
واضح رہے کہ گزشتہ روز وراٹ کوہلی نے ٹویٹ کیا تھا کہ 'اختلاف کے اس وقت ہم سب متحد رہیں۔ کسان ہمارے ملک کا اٹوٹ حصہ ہیں۔ مجھے یقین ہے کہ تمام فریقین کے مابین دوستانہ حل نکالا جائے گا۔
