بھارت کے سابق تیز گیندباز مناف پٹیل اور ویسٹ انڈیز کے کرکٹرز کرس گیل اور ڈیرن سیمی چیسے کھلاڑی ایل پی ایل کی نیلامی میں دکھیں گے۔ ان کے علاوہ تقریبا 150 بیرونی کھلاڑیوں نے بھی اپنا نام ایک اکتوبر کو ہونے والے نیلامی کے لیے دیا ہے۔
سابق پاکستانی آل راؤنڈر شاہد آفریدی ، بنگلہ دیش کے اسٹار آل راؤنڈر شاکب الحسن ، ویسٹ انڈیز بلے باز ڈیرن براوو ، انگلینڈ کے روی بوپارہ ، نیوزی لینڈ کے کولن منرو اور جنوبی افریقہ کے ورنن فیلینڈر اس نیلامی میں حصہ لیں گے۔
ایل پی ایل میں پانچ فرنچائزی کھیلیں گی۔ اس کا پہلا سیزن 14 نومبر سے 6 دسمبر تک کھیلا جائے گا۔ اس سے قبل یہ ٹورنامنٹ اگست میں کھیلا جانا تھا لیکن کووڈ 19 کے باعث ملتوی کردیا گیا۔ یہ معلومات خود سری لنکا کرکٹ بورڈ نے دی تھی۔
غورطلب یہ ہے کہ ہر فرنچائزی چھ بین الاقوامی کھلاڑیوں کو خرید سکتی ہے۔ مجموعی طور پر 30 بین الاقوامی کھلاڑی اور 65 مقامی کھلاڑیوں کو پانچ ٹیموں میں تقسیم کیا جائے گا۔ تمام ٹیموں میں 19 کھلاڑی ہوں گے۔ لیگ کے میچ دمبولا ، پلےکیلے اور ہیم بینٹوٹا انٹرنیشنل اسٹیڈیم میں کھیلے جائیں گے۔ ایل پی ایل کا آغاز ہیم بینٹوٹا انٹرنیشنل اسٹیڈیم میں کیا جائے گا۔
