بھارت اور روس نے اقوام متحدہ کی سلامتی کونسل سمیت مختلف کثیر الجہتی فورموں پر انسداد عسکریت پسندی کے خلاف مقابلہ کے بارے میں باہمی تعاون بڑھانے کا فیصلہ کیا ہے۔
اقوام متحدہ سے متعلق امور پر دونوں ملکوں کے مابین کوآرڈینیشن میں اضافے کے مقصد سے ماسکو میں آج ہونے والی سرکاری سطح کی بات چیت میں یہ اتفاق ہوا۔ بھارتی وفد کی قیادت وزارت خارجہ میں سکریٹری اور روسی وفد کی قیادت نائب وزیر خارجہ سرگئی واسیلیویچ ورشین نے کی تھی۔
وزارت خارجہ نے یہاں کہا کہ روس نے یکم جنوری کو اقوام متحدہ کی سلامتی کونسل کی بھارتی کی عارضی رکنیت کا خیرمقدم کیا۔ سلامتی کونسل کے ایجنڈے میں شامل امور اور حالیہ واقعات پر دونوں فریقوں نے وسیع تبادلہ خیال بھی کیا۔
مزید پڑھیں:
نیتن یاہو نے بحرین کے وزیر صنعت سے ملاقات کی
فریقین نے عسکریت پسندی سے نمٹنے کے لئے کثیرالجہتی فورموں میں باہمی تعاون کو تیز کرنے پر اتفاق کیا۔ بھارتی وفد نے اقوام متحدہ کی سلامتی کونسل میں اپنی میعاد کے دوان روس کو اپنی ترجیح سے آگاہ کیا اور اسی طرح کے چیلنجوں پر ہند روسی خصوصی اور مراعات یافتہ شراکت داری کے جذبے کے ساتھ مزید قریب سے کام کرنے کا فیصلہ کیا۔
