شنزو ایبے نے گذشتہ ماہ ناسازی صحت کی بنا پر وزیراعظم کے عہدہ سے مستعفیٰ ہونے کا اعلان کیا تھا جس کے بعد لبرل ڈیموکریٹک پارٹی نے آج اپنے نئے رہنما کا انتخاب کرلیا۔ شنزو ایبے کے جانشین یوشی ہیڈے سوگا کو 377 ووٹ ملے جبکہ دیگر دو دعویداروں نے مشترکہ طور پر 157 ووٹ حاصل کئے۔
یوشی ہیڈے سوگا کے انتخاب کے بعد پارٹی کے ارکان نے اس امید کا اظہار کیا کہ وہ وزیراعظم شنزو ایبے کی پالیسیوں کو جاری رکھیں گئے۔ سب سے طویل عرصے تک وزیراعظم کے عہدہ پر فائز رہنے والے شنزو ابے نے گذشتہ ماہ استعفیٰ دے دیا تھا، تاہم آج ابے کے وفادار حامی اور چیف کابینہ سکریٹری یوشی ہِدے کو ان کے جانشین کے طور پر منتخب کرلیا گیا۔
