سرینگر: آبی پناہ گاہوں میں پیر سے وائلڈ لائف آئکونک ہفتے کا آغاز

ای ٹی وی بھارت سے بات کرتے ہوئے ریجنل وائلڈ لائف آفیسر راشد نقاش نے کہا کہ 'آج کے دن ہم نے ہوکرسر میترا کے ساتھ مل کر عہد کیا کہ اس آبی پناہ گاہ کو تحفظ فراہم کرنے کے لیے اقدمات اٹھائیں گے۔ اس ہفتے کے دوران عوام میں آبی پناہ گاہ کے حوالے سے شعور بیداری کی کوشش کریں گے'۔

سرینگر کی آبی پناہگاہوں میں پیر کے روز سے وائلڈ لائف آئکونک ہفتے کا آغاز کیا گیا۔ اس موقع پر تقریباً 50 طلباء نے بطور رضاکارانہ ہوکرسر کو تحفظ فراہم کرنے کا عہد کیا۔ اس موقع پر ای ٹی وی بھارت سے بات کرتے ہوئے ریجنل وائلڈ لائف آفیسر راشد نقاش نے کہا کہ 'آج کے دن ہم نے آبی پناہ گاہوں کو میتروں (دوستوں) کے ساتھ مل کر عہد کیا کہ اس آبی پناہ گاہ کو تحفظ فراہم کرنے کے لیے اقدمات اٹھائیں گے۔ اس ہفتے کے دوران عوام میں آبی پناہ گاہ کے حوالے سے شعور، بیداری کی کوشش کریں گے'۔

ان کا مزید کہنا تھا 'آنے والے پانچ برسوں میں ہوکرسر دوبارہ اپنے عروج پر ہوگا۔ جو رونق ماضی میں ہوا کرتی تھی وہ دوبارہ ہوگی۔ سوغاتِ پر جو گیٹ ہے اس کے ٹھیک ہونے کے بعد تقریباً 70فیصد ہماری مشکلات کم ہوجائے گی۔ اس کے علاوہ ایک جامع منصوبہ پر بات چل رہی ہے۔ اُمید ہے کہ 2022 میں وہ شروع ہو جائے گا اس سے وادی کے تمام آبی پناہ گاہ کو تحفظ مل جائے گا۔' وہیں سرینگر کے رہنے والے ایک نوجوان نے دعویٰ کیا ہے کہ اُنہوں نے آبی پناہ گاہوں میں 235 مختلف پرندوں کی نشاندہی کی ہے۔ اُن کا کہنا تھا کہ 'محکمے کی جانب سے ابھی صرف 24 پرندوں کی شناخت کی گئی ہے، تاہم میں نے گزشتہ پانچ برسوں میں یہاں 235 پرندے دیکھے ہیں۔ اور ان تمام پرندوں کی تفصیلات محکمے کو دی گئی ہے۔'

اُن کا مزید کہنا تھا کہ'ہمارا بس ایک ہی مقصد ہے کی ہوکرسر کو تحفظ فراہم کیا جاسکے وہیں محکمے کا کہنا تھا کہ'ان کے جانب سے دستاویزات جمع کیے گئے ہیں، تاہم ابھی تصدیق باقی ہے۔'