پی ڈی پی کی صدر اور سابق وزیر اعلیٰ جموں وکشمیر محبوبہ مفتی نے کہا کہ 'بھارتیہ جنتا پارٹی کی ناکامیوں کی وجہ سے اس وقت نوجوان طبقہ کے لیے بے روز گاری سب سے بڑا مسئلہ بن گیا ہے۔
بے روز گاری، نوجوان کا سب سے بڑا مسئلہ
جموں میں ایک عوامی اجلاس کے دوران انہوں نے کہاکہ بھارتیہ جنتا پارٹی نے ہمیشہ ہند ومسلم کو توڑ نے کی سیاست کی ہے، جبکہ انتخابات میں کامیابی کے لیے یہ کام ایک بار پھر شروع کر دیا گیا ہے۔
- مزید پڑھیں: محبوبہ مفتی کا آرایس پورہ میں والہانہ استقبال
- بی جے پی اور آر ایس ایس فرقہ پرست جماعتیں ہیں: محبوبہ مفتی
سابق وزیر اعلیٰ نے کہا کہ 'بھارتیہ جنتا پارٹی نے اتر پردیش انتخابات میں کامیابی کے لیے تریپورہ سے ہند ومسلم مابین فسادات کی شروعات کر کے اسے مہاراشٹرا تک پہنچادیا ہے۔
انہوں نے کہا کہ کسان گذشتہ ایک برس سے اپنے مطالبات کے پیش نظر احتجاج کر رہے ہیں، جبکہ جموں و کشمیر کی خصوصی حیثیت کی منسوخی کے بعد بھی نوجوانوں بالخصوص جموں کے نوجوانوں کے ساتھ کوئی انصاف نہیں کیا گیا ہے۔
