جموں وکشمیر انتظامیہ نے بدھ کے روز جموں و کشمیر پولیس میں سب انسپکٹرز کی جاری بھرتی کے عمل میں خواہشمندوں کے لیے عمر کی خصوصی رعایت میں عمر کی بالائی حد کو 30 سال تک بڑھا دیا جبکہ یوٹی میں سب انسپکٹر اسامیاں 800 سے بڑھا کر 1200کر دی گئی ہیں۔ یہ اعلان لیفٹیننٹ گورنر منوج سنہا کے دفتر سے ایک ٹویٹ پیغام کے ذریعے کیا گیا۔
مختلف وفود کی نمائندگی کے بعد حکومت نے جموں وکشمیر پولیس میں سب انسپکٹر کے لیے جاری بھرتی کے لیے امیداروں کے عمر میں مزید چھوٹ دینے کا اعلان کیا ہے۔ جس کے بعد اب عمر کو 28 برس سے بڑھا کر 30 برس کر دی گئی ہیں ۔وہیں یوٹی کیڈر کی اسامیوں کی تعداد 800 سے بڑھا کر 1200 کی گئی ہے۔
ایل جی انتظامیہ کی جانب سے عمر کی بالائی حد میں اضافے اور سب انسکپٹر اسامیوں کی تعداد بڑھانے کے فیصلے پر جموں وکشمیر اسٹوڈنٹس ایسوسی ایشن نے ایل جی کا شکریہ ادا کیا ہے۔
یہ بھی پڑھیں
ایسوسی ایشن کے قومی ترجمان نے اپنے ایک بیان میں کہا کہ معاملے کی سنجیدگی کو دیکھتے ہوئے اس سے ترجیحی بنیادوں پر حل کرنے پر ہم ایل جی کے تہہ دل سے شکر گزار ہیں۔
انہوں نے کہا کہ اب جموں وکشمیر کے زیادہ سے زیادہ امیدوار بھرتی کے عمل میں حصہ لے سکتے ہیں وہیں اس سے پڑھے لکھے بے روزگار نوجوان کو بڑی حد تک راحت ملے گی۔
