مولانا عبدالرحمان شمس نے مجتہد اسلام امام اعظم ؒ کو ان کے وصال پر والہانہ عقیدت پیش کرتے ہوئے کہا کہ ان کو اسلامی فقہ کا موجد قرار دیا۔ انہوں نے کہا کہ اللہ تعالیٰ نے امام اعظم ابو حنیفہ ؒ کو عقل کی رہنمائی اور قلب کی بصیرت، حقائق اشیا کی معرفت، حق و باطل کے درمیان فیصلے کی استعداد، ہر شے مناسب محل میں رکھنے کی صلاحیت، نفس اور دقیق مسائل سے آگاہی، برائیوں کی صحیح نشاندہی اور بر وقت علاج کی حکیمانہ قوت اور معارف و احکام سے نفوس سے کمال تک پہنچانے کی قوت اور اعلی فراستِ دین سے نوازا تھا۔
مزید پڑھیں:
مولانا عبدالرحمان شمس نے کہا کہ آپ ؒ کا علمی مقام، آپ کی بلند و بالا شخصیت، عبادت و ریاضت، آپ کا خدمت خلق کا جذبہ ہر وصف اپنے آپ میں ایک دخشندہ مثال اور قابل تقلید ہے۔
انہوں نے کہا کہ یہ فقہ حنفی کی معنویت، اہمیت اور مقبولیت کا ثبوت ہے کہ آج 81 فیصد مسلمانوں فقہ حنفی کے پیروکار اور امام اعظم ابو حنیفہ ؒ کے مسلک پر عمل پیرا ہیں۔
