انجینئر عطرت خواجہ جنہوں نے اس 'ہائپر گو' ایپلکیشن کو تیار کیا ہے اس سے پہلے وہ بانڈی پورہ، اننت ناگ، شوپیان میں اس ایپ کا افتتاح کرچکے ہیں۔ پروگرام میں میڈیا نمائندوں سے انجینئر عطرت خواجہ نے بتایا کہ 'اس دور جدید میں ہم نئے نئے تجربے کرکے اپنے کشمیر کے لیے کچھ مختلف کرنا چاہتے ہیں، کشمیر میں ہنرمند نوجوانوں کی کوئی کمی نہیں لیکن اس ہنر کو بروئے کار لانے کے لیے ہمیں ایک اچھے پلیٹ فارم کی ضرورت ہے'۔
مزید پڑھیں: جموں و کشمیر میں تمام تعلیمی ادارے تا حکم ثانی بند رہیں گے
عطرت خواجہ نے بتایا کہ 'اس ایپ کے ذریعے آپ گھر بیٹھے اپنے پسندیدہ کھانوں کے ساتھ دیگر ضروری اشیاء بھی بآسانی چالیس منٹ کے اندر منگاسکتے ہیں۔ اس ایپ لانچنگ پروگرام کے مہمانِ خصوصی ایس ڈی پی او راجہ ماجد، اسٹیشن ہاؤس افسر سوپور خالد فیاض، شاہ رسول میموریل ویلکن کے چیئرمین عنایت اللہ حاجی کے ساتھ ساتھ گلزار میموریل کے چیئرمین بھی موجود رہے۔
