محکمۂ سماجی بہبود نے جموں و کشمیر جوینائل جسٹس رولز 2021 کے مسودے کے بارے میں تمام شراکت داروں سے تجاویز طلب کی ہیں، جوکہ جموں وکشمیر جوینائل جسٹس ایکٹ 2015 کے تحت بنائے گئے ہیں۔ محکمہ کی جانب سے جاری کردہ ایک اعلامیہ کے مطابق دلچسپی رکھنے والے شراکت داروں سے اپنی تجاویز یا جواب طلب کیے گئے ہیں۔
متعلقین اپنی تجاویز ڈرافٹ کی ویب سائٹ jksocialwelfare.nic.in پر مقررہ مدت کے اندر اندر جمع کراسکتے ہیں۔
مزید پڑھیں: 'کشمیری مہاجر ڈومیسائل سرٹیفکیٹ کے حصول میں دلچسپی نہیں لے رہے ہیں'
واضح رہے کہ وادیٔ کشمیر میں جوینائل جسٹس بورڈ نابالغوں کے معاملات کے دیکھ ریکھ کرتا ہے۔ اگر نابالغ کسی جرم کا مرتکب پایا جاتا ہے تو اسے ابزرویشن ہوم منتقل کیا جاتا اور پھر قانون کے تحت درج کیے گئے معاملات کی شنوائی کی جاتی ہے۔ وہیں جوینائل جسٹس بورڈ ان مذکورہ بچوں کی باز آبادکاری کے حوالے سے کئی کام بھی انجام دے رہا ہے۔
