کانگریس پارٹی کے سینیئر کارکن اور بی ڈی سی چیرمین کاکاپورہ عمر جان BDC Chairman Kakapora umar jan نے حد بندی کمیشن کی رپورٹ اور دیہی علاقوں میں تعمیر و ترقی کے حوالے سے ای ٹی وی بھارت کے ساتھ بات کرتے ہوئے کہا کہ حد بندی کمیشن کے ڈرافٹ سے جموں وکشمیر کے لوگوں کو کافی مایوسی ہوئی ہے۔
انہوں نے کہا حد بندی کمیشن نے کانگریس پارٹی کے ارکان سے حد بندی کے سلسلے میں رائے نہیں لی ہے کیونکہ کانگریس پارٹی ایک قومی پارٹی ہے۔
انہوں نے کہا کہ جموں و کشمیر عوام اس حد بندی کو آئین اور ضابطے کے مطابق کرنے کے خواہ تھے لیکن زمینی سطح پر اس ڈرافٹ میں ایسا دیئکھنے کو نہ ملا۔
انہوں نے کہا کہ جموں وکشمیر کے لوگوں کو کافی مشکلات کا سامنا کرنا پڑتا ہے کیونکہ لوگوں کو بینادی سہولیات سے محرام رکھا جارہا ہے۔
بی ڈی سی چیرمین کاکاپورہ نے دیہی علاقوں میں تعمیر وترقی کے حوالے سے بات کرتے ہوئے کہا کہ انتظامیہ نے گراس روٹ لیول پر ڈیموکریسی کے بڑے بڑے دعوے کیے تھے لیکن حقیقت اس کے برعکس ہے۔
انہوں نے کہا بی ڈی سی و ڈی ڈی سی ممبران نے یہاں ترقی کے کئی پروجیکٹوں کو عملی جامہ پہنانے کی کوشش کی تھی تاہم فنڈز کی عدم دستیابی کے پیش نظر کام مکمل نہیں ہوئے ہے۔
- یہ بھی پڑھیں:Manoj Sinha On Delimitation: "حد بندی کمیشن کے متعلق تحفظات کو تحریری شکل میں پیش کریں"
انہوں نے کہا کہ گزشتہ سال جموں و کشمیر انتظامیہ نے سبھی ڈی ڈی سی، بی ڈی سیز اور پنچوں اور سرپنچوں کو پیسے واگزار کیے تھے تاکہ دیہی علاقوں میں ترقیاتی کاموں کو انجام دیا جائے لیکن جن کاموں کو انجام دیا گیا ہے ان کاموں کے ابھی تک پوری پیسے واگزار نہیں کیے گئے ہیں۔
