کپواڑہ: عینی شاہدین کا کہنا ہے کہ یہ دلدوز حادثہ اس وقت پیش آیا جب ایک ٹپر برمری کچی سڑک سے جارہا تھا، اس دوران ڈرائیور کا توازن بگڑنے سے ٹپر نالے میں پلٹ گیا۔
آس پاس موجود لوگوں نے ڈرائیور کو نکالنے کی کوشش کی، لیکن ان کی کوششیں ناکام ہوئیں جس کے بعد ایک جی سی بی کے ذریعے گاڑی کو پلٹ کر ڈرائیور کو باہر نکالا گیا۔
عینی شاہدین کا مزید کہنا ہے کہ اگرچہ مذکورہ ڈرائیور کو بے ہوشی کی حالت میں ہسپتال پہنچایا گیا لیکن ہسپتال کے ڈاکٹروں نے ڈرائیور کو مردہ قرار دیا۔ Driver Dies After Tipper Falls
نالے کے دونوں جانب لوگوں کی بھیڑ امنڈ آئی جس کے بعد موقع پر موجود لوگوں نے محکمہ جیالوجی اینڈ مائنگ کے خلاف مظاہرے کئے۔
اس دوران مظاہرین نے وہاں بنائے گئے ایک عارضی ٹین شڈ کو بھی نذرآتش کیا۔ احتجاج کے سبب ضلع انتظامیہ اور پولیس کی ٹیم جائے وقوعہ پر پہنچی۔
ایک پولیس افسر نے اس معاملے تصدیق کرتے ہوئے کہا کہ اس تعلق سے مقدمہ درج کر لیا گیا ہے، مزید تحقیقات کی جارہی ہے۔
لوگوں نے احتجاج کرتے ہوئے انتظامیہ سے مطالبہ کیا کہ نالے سے نکالی جارہی ریت باجری کو بند کیا جائے۔ انہوں نے مزید کہا کہ یہ حادثہ محکمہ جیالوجی کی لاپرواہی سے ہوا ہے۔ لوگوں نے محکمہ جیولوجی اینڈ مائنگ کے خلاف زبردست احتجاج کیا۔
